Bòrd na Gàidhlig - Bòrd na Gàidhlig a’ cur taic urrasachd ri Duais Ghàidhlig ùr do na sgoiltean

Bòrd na Gàidhlig a’ cur taic urrasachd ri Duais Ghàidhlig ùr do na sgoiltean

06 An Gearran 2012

Airson a’ chiad uair a-‐riamh, chithear duais Ghàidhlig aig tachartas Duaisean Foghlaim na h-‐ Alba am-‐bliadhna. Tha an duais a tha às leth Cànan is Cultar na Gàidhlig ann an Ionnsachadh a’ toirt aithne do sgoiltean agus ro-‐sgoiltean a tha a’ solarachadh chothroman don chloinn uile, mothachadh do chànan is do chultar na Gàidhlig a leasachadh. Tha an duais a’ faotainn taic urrasachd bho Bhòrd na Gàidhlig a tha a’ brosnachadh nan sgoiltean uile gus pàirt a ghabhail ann. Tha cothroman ainmeachaidh mu choinneamh na duaise fosgailte gu làithreach agus bidh sin a’ dùnadh aig toiseach a’ Mhàirt. Bidh seirbheis shònraichte a’ gabhail àite dhaibhsan a bhios air a’ gheàrr-‐liosta airson nan duaisean air Dimàirt 12 Ògmhios ann an Taigh-‐òsta Hilton ann an Glaschu. Gheibhear tuilleadh fiosrachaidh mu na duaisean air làrach-‐lìn Bhòrd na Gàidhlig aig www.gaidhlig.org.uk.

Tha am fiosrachadh mu dheidhinn na duais Ghàidhlig a’ leantainn gu dlùth air iomairt geamhraidh a’ Bhùird ann an 2011/2012, le oidhirp nàiseanta air buannachdan dearbhte dà-‐ chànanais a chur air adhart agus pàrantan a bhrosnachadh gus an cuid chloinne a chlàradh ann am foghlam Gàidhlig. Thuirt Leasaiche Foghlaim is Ionnsachaidh aig Bòrd na Gàidhlig Màiri Nic Ille Mhaoil: “Tha sinne aig Bòrd na Gàidhlig air leth toilichte ar taic a chur ris an duais seo aig àm a tha foghlam Gàidhlig a’ leudachadh agus dh’iarradh sinn gu dùrachdach air na sgoiltean uile cur a-‐steach air a son. Tha dàrna Plana Gàidhlig Nàiseanta na h-‐Alba ag amas air an àireamh de chloinn a’ dol tro fhoghlam tro mheadhan na Gàidhlig a mheudachadh bho 400 gu 800, agus tha adhartachadh foghlam Gàidhlig tro thachartasan leithid nan Duaisean Foghlaim gar cuideachadh gus an amas sin a choileanadh. Tha sinn a’ cur fàilte air deònachd luchd-‐eagrachaidh an tachartais a bhith a’ co-‐obrachadh leinn gus Gàidhlig a ghabhail a-‐steach do na duaisean.

Thuirt an Dtr Alasdair Allan, Ministear Ionnsachaidh, Saidheans agus Cànanan na h-‐Alba: “ ’S e cothrom mìorbhaileach a tha seo do sgoiltean air feadh na dùthcha iad fhèin a chur air adhart mar cheannabhairean ann an ionnsachadh na Gàidhlig agus chuirinn ìmpidh orra uile a dhol an sàs ann.”

“Tha Riaghaltas na h-‐Alba dealasach a thaobh seasmhachd bheòthail a thèarainn don Ghàidhlig san àm ri teachd agus tha ar sgoiltean mar phàirt bhunaiteach ann an toirt sin gu buil.”

DEIREADH

Airson tuilleadh fiosrachaidh, cuiribh fios gu: Steven MacÌomhair, Oifigear Conaltraidh is Cùisean Corporra aig Bòrd na Gàidhlig.

Post-‐d: steven@gaidhlig.org.uk Fòn-‐làimhe: 07557 481 081