Stiùireadh air fiosrachadh a tha ri fhaotainn tro ar Sgeama Foillseachaidh

Tha Achd Saorsa an Fhiosrachaidh (Alba) 2002 (an Achd) ag iarraidh gum bi ùghdarrasan poblach na h-Alba a’ toirt gu buil agus a’ cumail suas sgeama foillseachaidh. Tha ùghdarrasan fo chomain laghail: 

  • na gnèithean fiosrachaidh a tha ri fhaotainn aca gu cunbhalach, fhoillseachadh; 
  • innse don phoball mar a gheibhear am fiosrachadh agus na chosgas e. 

Tha Bòrd na Gàidhlig air gabhail ri Sgeama Foillseachaidh Modail 2011 a thugadh gu buil le Coimiseanair Fiosrachaidh na h-Alba. Chuir e aonta ris an sgeama seo gu 31 Cèitean 2015.

’S e adhbhar an Stiùireadh Fiosrachaidh seo: 

  • cothrom a thoirt don phoball am fiosrachadh a tha ri 
  • fhaotainn fhaicinn, (agus nach eil ri fhaotainn) a thaobh gach gnè; 
  • iomradh air na cosgaisean a dh’fhaodadh a bhith na lùib; 
  • an dòigh as fhasa air fiosrachadh fhaotainn a mhìneachadh; 
  • fiosrachadh-taic a sholarachadh airson ceistean a fhreagairt agus cuideachadh le ruighinn air an fhiosrachadh; agus
  • mìneachadh mar a dh’iarrar fiosrachadh a th’ againn nach deach fhoillseachadh.  

Ruigsinneachd agus cruthan

Tha am fiosrachadh a tha sinn a’ foillseachadh tron sgeama modail ri fhaotainn air an làraich-lìn againn, far an gabh sin dèanamh. Tha sinn a’ tairgsinn chothroman eile do dhaoine nach eil airson, no nach eil comasach air an fhiosrachadh fhaotainn air-loidhne no tro sgrùdadh san togalach againn.  Mar eisimpleir, ’s urrainn dhuinn gu h-àbhaisteach fiosrachadh a chur thugaibh air pàipear (ged a dh’fhaodadh cosg a bhith an lùib sin – faicibh na cosgaisean gu h-ìosal).

Fiosrachadh neo-bhuailteach

Foillsichidh sinn fiosrachadh a th’ againn a tha a’ freagairt an taobh a-staigh nan gnèithean fiosrachaidh gu h-ìosal. Ma tha fiosrachadh ann an sgrìobhainn sam bith a tha neo-bhuailteach fo laghan saorsa fiosrachaidh na h-Alba (mar eisimpleir, fiosrachadh pearsanta connspaideach no dìomhaireachd malairt), bheir sinn às e no ‘dubhar a-mach’ am fiosrachadh mus fhoillsichear e agus  mìnichear carson.

Còraichean foillseachaidh

Far a bheil Bòrd na Gàidhlig a’ gleidheadh nan còraichean foillseachaidh a thaobh an fhiosrachaidh fhoillsichte, faodar am fiosrachadh a leth-bhreacadh no ath-ghineadh gun chead foirmeil: 

  • ma thèid a leth-bhreacadh no ath-ghineadh gu cruinn ceart; 
  • mura cleachdar e ann an co-theacsa mheallta; agus 
  • ma chomharraichear tùs an stòrais.

Far nach eil na còraichean glèidhte aig Bòrd na Gàidhlig ann am fiosrachadh a bhios sinn a’ foillseachadh, nì sinn sin soilleir. 

Cosgaisean

Tha an earrann seo a’ mìneachadh mar a bhios sinn a’ cur cosgais mu choinneamh ar foillseachaidhean agus mar a dh’obraichear a-mach cosgais sam bith. Chan eil cosgais sam bith an lùib fiosrachadh a choimhead air an làraich-lìn no san togalach againn.

Dh’fhaodadh gun cuir sinn cosgais air solarachadh fiosrachaidh dhuibh, ach cha chuir sinn cosgais sam bith a bharrachd air na tha e a’ cosg dhuinn fhìn sin a dhèanamh. Innsidh sinn dhuibh an-còmhnaidh na tha e a’ cosg mus solaraich sinn am fiosrachadh dhuibh.

Tha na cosgaisean againn an lùib leth-bhreacadh gach taobh-duilleig air an taisbeanadh sa chlàr gu h-ìosal: 

Leth-bhreacadh Dubh is Geal

  • A4:10sg gach duilleig

Leth-bhreacadh dathtach

  • A4:20sg gach duilleig

Bidh fiosrachadh a thèid a sholarachadh air CD-Rom a’ togail cosgais 50sg airson gach clàr coimpiutair.

Cuirear cosgaisean postachd aig an aon reata ’s a phàigh sinn airson am fiosrachadh a chur thugaibh. ’S ann a tha a’ chosgais an lùib cur air falbh fiosrachaidh tro Chiad Chlas a’ Phuiste Rìoghail.

Nuair a bhios sinn a’ solarachadh leth-bhric de fhoillseachaidhean air an clò-bhualadh ro-làimh, cha bhi a’ chosgais nas àirde na cosgais gach leth-bhreac, a rèir an reata pàighidh den àireamh iomlan. 

Chan eil sinn a’ cur cosgaisean sam bith eile oirbh a thaobh an fhiosrachaidh fhoillsichte againn. 

Thoiribh an aire nach eil an clàr chosgaisean againn buntainneach do ar foillseachaidhean malairteach (faicibh Clas 8 gu h-ìosal). Tha na nithean sin air an tairgsinn airson an reic tro àiteachan reic leithid bùithtean leabhraichean, làraich-lìn irisean acadaimigeach no bùithtean taighean-tasgaidh, agus tha a’ phrìs a tha iad, a’ nochdadh 'luach margaideach' anns am faod cosgais an toirt gu buil a bhith na lùib.

Cuiribh fios thugainn

Faodaidh sibh fios a chur gun Oifigear Sgeama Foillseachaidh againn airson cuideachadh le gnothaich sam bith co-cheangailte ris an sgeama foillseachaidh seo: 

Alasdair MacFhionghuin,
Leasaiche Sheirbheisean Corporra
Bòrd na Gàidhlig,
An Darach,
Fèith nan Clach,
Inbhi Nis.
IV2 7PA 

Fòn: 01463 225 454 
Facs: 01463 716 217 

Post-d: oifis@gaidhlig.org.uk

Bheir sinn comhairle dhuibh cuideachd air mar a dh’iarras sibh fiosrachadh nach eil sinn a’ foillseachadh, no mar a nì sibh gearan ma tha sibh mì-shàsaichte le gnothaich sam bith co-cheangailte ris an sgeama foillseachaidh. 

Na gnèithean fiosrachaidh a bhios sinn a’ foillseachadh  

Bidh sinn a’ foillseachadh fiosrachadh a tha sinn a’ gleidheadh an taobh a-staigh nan gnèithean a leanas. Aon uair ’s gum foillsich sinn fiosrachadh fo aon seòrsa, leanaidh sinn air adhart ga sholarachadh airson na bliadhna làithreach agus airson na dà bhliadhna ionmhasail roimhe sin.

Far a bheil fiosrachadh air ath-ùrachadh no air a chur às àite, cha bhi ri fhaotainn ach an dreach làithreach. Nam bu mhath leibh tionndaidhean eile fhaicinn a bh’ ann roimhe, faodaidh sibh iarrtas a chur thugainn airson an fhiosrachaidh sin. 

Is iad na gnèithean: